Во Албанија уапсени 12 функционери поради корупција

loading...

Албанското обвинителство соопшти дека 12 функционери, меѓу кои и еден градоначалник, се уапсени поради незаконска продажба на земјиште покрај морето.

Во соопштение на Обвинителството се наведува дека градоначалникот на Леж, Фран Фрокај и уште 11 функционери се обвинети за злоупотреба на службената положба и фалсификување на документи.

Тие се обвинети дека подготвувале лажна документација за државно земјиште со површина од 300.000 метри квадратни, кои сакале да им ги продадат по симболични цени на фиктивни купувачи.

Борбата против корупција е клучен приоритет на Албанија, со цел земјата да може да започне пристапни преговори со ЕУ.

loading...

Поврзани статии