Почитувани граѓани на Македонија, ова мало прекрасно девојче со мене на сликата, девојче полно со љубов, девојче полно со желба за живот е малата Благица од радовишкото село Подареш
Благица, сега 8 годишна, од нејзината 6-та година има здравствени проблеми, т.е. таа боледува од “Epilepsio, st.post opp.Teterecord, cystytis chr., zadebelen sid na mocen meur, hemoroidi, …” 
После една година по разни клиники,на 22 јуни минатата година е оперирана на р’бетот
Од појавувањето на проблемите на тогаш 6 годишната , а сега 8 годишната Благица, нејзините родители барајќи спас по приватните и државните болници притоа продавајќи најразновиден имот што го имале, девојчето го имаат прегледано и видено безмалку 50 лекари специјалисти и рака на срце, освен неколку кои се бројат на прстите на едната рака, другиве некако се однесувале игнорантски
После голгота од веќе 2 години, годинава, или поточно последниве неколку месеци овие луѓе доживеале вистински голготи по разноразни здравствени установи и истите биле пречекани и испратени од одредени здравствени работници со реченици како:
”КОЈ ТИ Е КРИВ ШТО ТАКВА СИ ЈА РОДИЛА”, “КАЈ ОВА ДЕТЕ ИМА УШТЕ МНОГУ РАБОТА”, “ЗА ОВА ДЕТЕ ВО МАКЕДОНИЈА НЕМА ДОКТОР”, “САМО СТРАНСТВО ВИ Е ЛЕКОТ” и уште што ли не и притоа на еден куп резултати, рентген снимки, магнетни и какви ли уште не тестирања на најразлични клиники, луѓето сеуште немаат добиено конкретни напатствија што, како и каде
Од пред некој ден, јас лично сум со маката на девојчето и верувајте неопишливо е тоа што го гледам кај неа, ама уште повеќе неопишлива е ароганцијата и незаинтересираноста на државата преку здравството
Од денеска натаму, јас лично, на секој можен начин ќе се обидам да дојдам до податок што треба да правиме, каде да го бараме лекот и секако колку би чинела таа евентуална операција и лекување и дали тоа ќе може да се среди во Македонија или надвор од неа
Засега, јавно и барем засега без именување само ја известувам јавноста дека тоа ќе го направам и ќе се обидам да издејствувам итно да се преземат сите мерки кои се потребни, а се со цел девојчето да ги добие потребните лекувања и напатствија за да се нормализира нејзината состојба
Јас лично ќе го носам девојчето по клиниките и лекарските врати и се колнам дека ако не се преземе се што е потребно јавно ќе ги обзнанам сите податоци кои ги имам за досегашното лекување и односот на сите здравствени работници во досегашната голгота на малата Благица, а секако и уште поважно ако таа ароганција и изживување продолжат
Искрено, од се срце се надевам дека за брзо време ќе имаме се што ни е потребно за Благица да почне повторно нормално да си го живее своето детство како сите останати дечиња затоа што таа како и секое дете во Република Македонија тоа го заслужува
Доколку се утврди дека е потребно лекување во странство, повеќе од убеден сум дека ќе ги собереме сите потребни финансии за лекување, а велам ќе ги собереме затоа што од досегашното искуство вели дека Македонија има свои синови и ќерки кои си го сакаат својот народ и во недостаток на грижа од страна на државата и институциите, народот си ја зема работата во свои раце
Да сте ми живи и здрави браќа и сестри Македонци, Албанци, Турци, Роми, Срби, Бошњаци, Египќани, Хрвати и сите останати кои живеете во Македонија, Ве поздравуваме јас и Благица и однапред Ви благодариме за Вашата хуманост, помош и разбирање, а секако и за сета поддршка која што ќе ни ја дадете во периодот кој ќе следи
