Струмица: Мајка фрлила новороденче во јамата на полско ве-це

19 годишна девојка  од струмичко село се породила дома, а потоа најверојатно го оставила бебето. Неофицијално,  новороденчето е пронајдено во јама од полско ве це. Од полицијата го потврдија случајот,  но не соопштија детали како и каде било најдено мртвото бебе. Се  истражува  дали се работи за несреќа или чедоморство.

Случајот бил откриен кога  19 годишната  девојка побарала лекарска помош во струмичката болница. Откако била хоспитализирана  и прегледана девојката лекарот констатирал дека таа претходно се породила по што случајот го пријавил во полиција. Веднаш по пријавувањето  бил извршен е преглед на  нејзиниот дом во кој на повеќе места се пронајдени докази кои укажувале на тоа дека таму  имало породување.

По направениот увид од страна на полициските службеници и јавен обвинител пронајдено е и тело на новороденчето. По наредба на јавен обвинител  мртвото тело е предадено на обдукција.

Во меѓувреме  од мајката, членови на семејството и мажот со кој девојката била во љубовна врска земени се примероци од крв за анализа. По насоки на јавниот обвинител се преземаат мерки за расчистување на случајот.

Зоран Ѓоргиев

СИТЕЛ ТВ

Повеќе