Македонските лавови со голеада го покосија Исланд на домашен терен

Македонската ракометна репрезентација стигна до вториот триумф на квалификациите за Европското првенство идната година.

Вистинска голеада вечерва во Исланд, која Македонија ја доби со 33:34 (17:17 на полувремето). Во двете селекции играа само нападите, а одбраните на голманите беа во втор план.

Иако Исланд на почетокот водеше и со 4 гола разлика, Македонија благодарение најмногу на головите на Гоце Ѓорѓиевски се врати, а потоа се играше гол за гол.

Одлични беа Талески и Стоилов, а Манасков од линијата за седмерец беше прецизен во сите обиди.

Во последните 10 секунди при напад на Исланд за победа, Ислаѓаните направија грешка, а судијата покажа црвен картон на играч од нивната клупа. Тоа значеше пенал за Македонија, кој го одбрани Магнусон, но по одбиената топка Манасков го претвори во гол и победа за нашата селекција.

Браво момци!

Повеќе