Бошњаковски, Цаневска, Кољари, Адеми, Карајанов, Малевски, Арифи… се само дел од тимот на Пендаровски

Стево Пендаровски, го комплетираше составот на својот кабинет.

Генерален секретар ќе биде Миле Бошњаковски, кој досега ја извршуваше функцијата портпарол на Владата, додека шеф на протокол ќе биде Билјана Мицевска. Одговорна за односи со јавноста ќе биде Катерина Цаневска, а Билјана Радева ќе биде прес-офицер, информираат од кабинетот на шефот на државата.

Советник за национална безбедност ќе биде Блерим Кољари, Александар Спасов како надворешен консултант ќе ја врши функцијата на советник за внатрешна и надворешна политика. Советници во кабинетот ќе бидат и Тоше Зафиров, Љуљета Адеми и Гоце Карајанов.

Во сферата на надворешната политика, надворешни советници ќе бидат поранешните шефови на дипломатијата Александар Димитров и Денко Малески и поранешниот амбасадор во Австрија, Сашо Тавчиовски.

Надворешни советници за правни работи ќе бидат и професорката Беса Арифи и поранешата судијка во Судот за човекови права во Стразбур, Мирјана Лазаревска Трајковска.

Од кабинетот велат и дека во времето додека таму како советник бил сегашниот претседател Пендаровски имало имало 37 вработени, а во периодот кога шеф на државата беше Ѓорге Иванов нивниот број е зголемен на 61. Нема да има отпуштање на вработени, нагласуваат од кабинетот.

Пендаровски, како што тврдат од неговиот кабинет, по завршувањетона мандатот нема да барал претседателска пензија ниту средства за отворање на канцеларија, туку просторија во Министерството за надворешни работи, каде ќе одржувал состаноци и средби како поранешен претседател. Тој по мандатот ќе се врател на работното место професор.

Повеќе